ANGIN

ANGIN

Dening : A. Y. Untung

Jasadmu yekti tan bisa kadulu,

Mokal yen ta kagrayang

Sing cetha kowe pancen ana,

Bukti nyatane

Gegodhongan padha obah

Lebu mabul mumbul ing angkasa.

O, angin . . .

Angin milid sumilir,

Akarya segering raga, ayeming nala,

Angin uga dadi kabutuhaning manungsa,

Kanggo srana urip ing jagad raya,

Mung “ganda maruta” padha disirik,

Disingkiri kanthi nutupi grana.

O, angin . . .

Nanging aja takon yen pinuju kurda,

Wit-wit gedhe padha rungkat

Omah-omah padha rubuh katrajang prahara

Nyebar kasangsaran,

Panen kasusahan,

Kang dumadi angluh ngejurit ati

Kapethik saka : Aruming Basa AM 3