Jinising Ukara

Jinising Ukara

Jinis-jinise ukara iku ana telu, yaiku :

1.    Ukara Kriya

Ukara kriya yaiku ukara kang wasesane migunakake tembung kriya (kata kerja). Tuladha tembung kriya yaiku : nulis, mangan, nyiram, ngomong, maca, mlayu, mlaku, tuku, gawa.

Tuladha :

-      Aku  nulis  layang.

   J      W         L

-      Siti  mangan  sate.

  J        W          L

Nulis lan mangan mujudake tembung kriya tanduk.

-      Ibu  dhahar  roti.

 J         W        L

Dhahar mujudake tembung kriya lingga.

-      Bukuku  digawa  Norman.

J              W            L

Digawa mujudake tembung kriya tanggap pratama purusa.

-      Peleme  wis dakpangan.

    J                 W

Dakpangan mujudake tembung kriya tanggap utama purusa.

2.   Ukara Bawa

Ukara bawa yaiku ukara kang wasesane migunakake tembung kaanan/sipat (kata sifat). Tuladha tembung kaanan yaiku : pinter, loma, sabar, galak, mateng, seneng, apek, bagus, kuning, susah, elek, anyar, ijo, lsp.

Tuladha :

-      Kancaku  pinter banget.

  J                 W

Pinter banget mujudake tembung kaanan.

-      Wartini  iku  loma.

       J                W

Loma mujudake tembung kaanan.

-      Astuti iku  sabar banget.

        J                  W

Sabar banget mujudake tembung kaanan.

-      Ketua kelase  galak.

        J               W

Galak mujudake tembung kaanan.

-      Peleme wis  mateng.

        J               W

Mateng mujudake tembung kaanan.

3.   Ukara Aran

Ukara aran yaiku ukara kang wasesane migunakake tembung aran (kata benda). Tuladha tembung aran yaiku : meja, kursi, sepur, bupet, cikar, polpen, buku, mesin jahit, murid, pilot, kain, sopir.

Tuladha :

-      Bapakku  guru.

      J           W

Tembung guru mujudake tembung aran.

-      Aku  murid  ing SMP Surakarta.

   J       W          K panggonan

Tembung murid mujudake tembung aran.

-      Mas Agil  Pilot.

      J           W

Tembung pilot mujudake tembung aran.

-      Tanggaku  sopir.

       J           W

Tembung sopir mujudake tembung aran.

-      Klambiku  kain.

       J           W

Tembung kain mujudake tembung aran.