Geguritan Abang Putih

Geguritan Abang Putih

Dening : Muhammad Nursaid

Geguritanku abang putih,

Lair saka rasa tresna . . . kang tanpa utama.

Geguritanku abang putih,

Llair saka laku prihatin . . . ,

Tarak brata, lan nutupi babahan hawa sanga.

Yen gendera gula klapa panggah kekibar!

Kuwi pratandha, tresnaku . . . durung wigar.

Geguritanku abang putih,

Kaya getihku kang tansah mili ing jiwangga,

Geguritanku abang putih,

Kaya pasangan dewi sri lan sadana,

Muga-muga bisa dadi kamardkan, tetep ayu seger.

Geguritanku abang putih,

Lair saka jiwa mardika . . . tresna nusa bangsa.

Geguritanku abang putih,

Sing banget nduwa kolusi,

Kang nuwuhake korupsi lan manipulasi.

Geguritanku abang putih,

Sing banget nduwe congkrah padha bangsa,

Lan intrik-intrik . . . . . , Njuwarehi.

Geguritanku abang putih,

Dudu layang panantang kanggo ambeg sesongaran.

Geguritanku abang putih,

Dadia kidung pepuji . . . ! kang rumeksa . . . , pertiwi!