Kawruh Sapala 2

Kawruh Sapala 2

(Widya Tembung, Widya Swara, Widya Makna)

1.     Widya Tembung

Widya tembung ngemu teges ilmu bab tembung. Tembung iku rerangkening swara kang kawedhar saka jroning tutuk, ngemu teges lan bisa kasumurupan surasane. Ing ilmu basa widya tembung lumrah ingaran morfologi.

A.   Wujude Tembung

Adhedasar wujude, tembung basa Jawa bisa diperangake dadi papat, yaiku :

1.     Tembung lingga

Yaiku tembung kang isih wutuh durung rinaketan imbuhan apa-apa. Dene jinise ana kang dumadi saka sawanda, rongwanda, utawa telung wanda (suku kata).

Tembung Lingga Sawanda	Tembung Lingga Rong Wanda	Tembung Lingga Telung Wanda
Gong Jas Ban Las	Sapi Pitik Pari Dhipan	Padharan Kulina Rekasa Mustaka
Let Cet Gram Pir Lsp.	Wajan Kali Wetan Dhuwur	Lembeyan Kapiran Keliren Santosa

2.     Tembung Andhahan

Yaiku tembung kang wus owah saka linggane, amarga kawuwuhi imbuhan. Wuwuhan (imbuhan/afiks) ing basa Jawa wujude ana papat yaiku ater-ater, seselan, panambang lan imbuhan bebarengan.

Ater-ater	Seselan	Panambang	Wuwuhan Bebarengan
-         Anuswara (n,m, ny, ng) -         A	-         In -         Er	-         I -         A	Ka – an Ka – en
-         Ka -         Ke -         Di -         Sa -         Pa -         Pi -         Pra -         Pri -         Tar -         Kuma -         Kami -         Kapi	-         El	-         E (-ipun) -         En -         An -         Na -         Ana -         Ane -         Ake (-aken)	Pa – en Pra – an Anuswara – i Anuswara – a Anuswara – ake Anuswara – ana Anuswara – e Di – i Di – a Di – ana Di – ake -in – an/-ake/-ana -um – a Sa – e

3.     Tembung Rangkep

Tembung rangkep kang uga ingaran reduplikasi  yaiku sekabehaning tembung sing diwaca kaping pindho, bisa sekabehaning tembung utawa mung sawanda bae. Ing basa Jawa cacahe ana telu yaiku dwipurwa, dwilingga, dwiwasana.

Dwipurwa (tembung kang wanda sing ngarep diwaca kaping pindho)	Dwilingga (tembung kang linggane diwaca kaping pindho kabeh)	Dwiwasana (tembung kang wanda sing mburi diwaca kaping pindho)
Reresik Bebungah Gegaman Memitran Tetenger Lelara Jejuluk Memangan Menukang Nyeyuwun Ditetangis Geguyon	Dwilingga padha swara : Adik-adik Bocah-bocah Cilik-cilik Ibu-ibu Kanca-kanca Lungguh-lungguh Panas-panas Putra-putra Takon-takon Dwilingga salin swara : Gonta-ganti Wira-wiri Molak-malik Wotak-watuk Bola-bali Lunga-lunga Cilak-cilik Odas-adus Dwilingga semu : Ondhe-ondhe Anggang-anggang Undhur-undhur	Besisik Benyiyik Cekakak Cekikik Cengengesan Cingingak Cingingis

4.     Tembung Camboran

Yaiku tembung loro utawa luwih kang kagandheng dadi siji lan duwe teges anyar, ora padha karo teges nalika isih wujud tembung lingga mau. Tembung lingga bisa diwuwuhi imbuhan apa bae. Jinise ana loro yaiku camboran tunggal lan camboran wudhar.

Camboran Tunggal	Camboran Wudhar
Semar mendem	Botrepot
Lare angon	Kakkong
Nyolong pethek	Kongel
Kembang lambe	Lunglit
Kuping wajan	Ndhekwur
Nagasari	Wandhak
Rajalele	Dubang
Dhadha menthok	Naksanak
Sisikmelik	Nakndulur
Ulerkembang	Kacang brol
Kinjengdom	Cocor bebek

2.     Widya Swara

Widyaswara dumadi saka tembung widya lan swara. Widya asale saka basa Jawa Kuna kang tegese “ilmu” lan swara kang tegese “uni”.

Dadi widyaswara iku ngelmu kang ngrembug lan nyinau bab swara utawa uni, ing ilmu basa asring katelah fonologi. Dene kang dirembug ing widyaswara yaiku swara-swara kang ana tegese, dudu swara kang ora tegese, dene titikane swara iku mau bisa mbedakake wujud an mbedakake teges.

Tuladhane :

-         Gilo            ><     beda karo    >< gila

-         Wedi           ><     beda karo    >< wedhi

-         Saba           ><     beda karo    >< sapa

-         Kudu          ><     beda karo    >< kuru

-         Lemper       ><     beda karo    >< lemper

-         Lempeng     ><     beda karo    >< lempeng

-         Lan sapiturute

Swara iku unining angin kang metu saka paru-paru lan kawedhar saka jroning tutuk. Pametuning swara mau ana kang mawa pancandan gorokan, cethak, ilat, untu, utawa lambe lan ana uga kang ora nganggo pancandan apa-apa. Adhedhasar pametuning swara, fonem basa Jawa bisa dibedakake dadi loro yaiku vokal lan konsonan.

Vokal : Vokal ing basa Jawa gunggunge ana pitu yaiku :

1.     Vokal /a/ ingaran vokal a swara miring

Tuladhane :

Aku	Laris
Alu	Babad
Ora	Bapak
Mau	Kocak

2.     Vokal /a/ ingaran vokal a swara jejeg

Tuladhane :

Amba	Rata
Sapa	Bata
Rana	Kuna
Basa	Padha
Japa	Kuna

3.     Vokal /o/ bisa mapan ing ngarep, tengah lan buri

Tuladhane :

Obah	Kebo
Omah	Belo
Owah	Loro
Ora	Coro
Oyeng	Mlongo

4.     Vokal /i/ swara miring

Tuladhane :

Cacing	Wajik
Cuwil	Tarik
Apik	Wiwit
Arit	Dhuwit
Titip	Jepit

Vokal /i/ swara jejeg

Tuladhane :

Iga	Siji
Ijab	Driji
Iga	Pari
Ilang	Dadi
Ilat	Wani

5.     Vokal /u/ swara miring

Tuladhane :

Biyung	Bingung
Lamur	Siwur
Siyung	Kasur
Parut	Ngebut

Vokal /u/ swara jejeg

Kuku	Tuku
Udan	Wulu
Urang	Saru
Ulem	Telu

6.     Vokal /e/ swara miring

Tuladhane :

Estu	Saren
Eblek	Suwek
Sewu	Gepeng
Karet	Melet

Vokal /e/ swara jejeg

Tuladhane :

Eman	Ewuh
Wage	Sate
Tela	Sare
Kene	Rame

7.     Vokal /e/ mung bisa dumunung ing ngarep lan ing tengah tembung, lumrah ingaran e pepet

Tuladhane :

Entub	Tetep
Empuk	Anget
Pucet	Kekep
Emoh	Seret

3.     Widya Makna

Widyamakna iku uga kalebu peranganing ilmu basa kang ngrembug bab teges, teges ing tembung, teges ing frasa lan teges ing ukara. Widyamakna ing ilmu basa ingaran semantik utawa tatamakna. Kang karembug ing widyamakna iku ing antarane yaiku dasanama (sinonim), antonim, homonim, hiponim, polisemi, ambiguitas, jinising makna, tandha lan simbol.

A.   Sinonim

Tembung loro utawa luwih kang wujud lan panulisane beda, nanging duwe teges padha/meh padha.

Tuladha :

1.     Jeneng = aran                          11. Cepet = rikat

2.     Langka = arang                       12. Angslup = ambles

3.     Adhem = atis                           13. Sabar  = sareh

4.     Mangkat = budhal                             14. Bengi = ratri

5.     Abang = abrit                          15. Pinter = wasis

6.     Bledheg = gludhug                            16. Gawe = kardi

7.     Dewa = Bathara                      17. Gunung = giri

8.     Bapak = rama                         18. Kethek = wanara

9.     Dalan = marga                         19. Kembang = sekar

10.                        Banyu = tirta                           20. Slamet = sugeng

Ing basa Jawa saliyane ana sinonim tembung uga ana sinonim ukara kayata :

1.     Aku wis maca buku kuwi                           = buku kuwi uwis dakwaca.

2.     Wisnu methuk Zahra                         = Zahra dipethuk Wisnu.

3.     Aida ngepel teras ngarepan               = teras ngarepan dipel Aida.

4.     Pak Zi lan Bu Mida iku wong tuwaku        = Pak Zi lan Bu Mida iku bapak lan ibuku. 

5.     Omah sing apik kuwi arep didol                 = omah apik kuwi arep didol.

B.   Antonim

Tembung, frasa utawa ukara kang duwe teges walikan/kosok balen karo tembung, frasa utawa ukara sadurunge.

Tuladha :

1.     Adoh          ><     cedhak

2.     Adol           ><     tuku

3.     Amba                   ><     ciyut

4.     Anyar                   ><     lawas

5.     Bagus                   ><     elek

6.     Bener          ><     luput

7.     Becik          ><     ala

8.     Dawa          ><     cendhak

9.     Edan           ><     waras

10.                         Eling          ><     lali

11.                         Gampang   ><     angel

12.                         Gedhe        ><     cilik

13.                         Pinter         ><     bodho

14.                         Sugih         ><     mlarat

15.                         Tuwa                   ><     anom

C.   Homonim

Yaiku tembung siji kang tulisan lan pangucape sarwa padha. Sanajan mangkono ora ateges maknane uga banjur padha.

Tuladha :

1.
a.     Pak Hasrun lagi ngukuri lemah pekarangan ing desaku.	b.     Dhik Janto wiwit mau tansah ngukuri wetenge.
2.
a.     Adhuh, wetengku krasa suduken.	b.     suduken macan kuwi yen wani!
3.

D.   Homofon

Yaiku tembung loro utawa luwih kang unine/pocapane padha, nanging tulisan lan tegese beda.

Tuladha :

1.
a.     Bareng katimbang bobotmu luwih anteb.	b.     Bocah kok ora ana antepan ati, gek ya gek ora.
2.
a.     Godhong kates digodhog kanggo kulub mesthi seger.	b.     Ngger kulup Abimanyu, coba nyedhaka mrene!
3.
a.     Mas, adhimu iku parabane sapa ta?	b.     Mas, tulung surat iki panjenengan parap!

E.   Homograf

Yaiku tembung loro utawa luwih kang padha tulisane nanging pocapan/unine lan uga tegese beda.

Tuladha :

1.
a.     Punika teken kagungane Eyang.	b.     Mangga Pak, kantun teken ngriki kemawon
2.
a.     Jakarta jare geger, apa bener Mas?	b.     Kuwi geger ing kimawu kok pating balrut, kena apa?
3.
a.     Menawi sayah kula aturi kendel rumiyin, Dhi.	b.     Bareng mundhak gedhe mundhek kendel saiki.