WANGSALAN

WANGSALAN

            Wangsalan yaiku sabangsane cangkriman, ananging batangane utawa tebusane wis kasebut ing ukara candhake, sanajan ora melok utawa cetha.

Wangsalan kuwi ana 6 warna, yaiku :

1.     Wangsalan padinan

Wangsalan padinan yaiku wangsalan kang cekak-cekak wae, mung nyebutake perlune wae.

Tuladha :

·      Kowe kuwi mbok aja mbumbu rokok, kok ngawur wae. (uwur)

·      Pancen kowe kuwi nglambe pawon, lehmu juweh. (laweh)

·      Cah cilik senengane ngrokok cendhak, neges-neges wae. (tegesan)

2.    Wangsalan lamba

Wangsalan lamba yaiku wangsalan kang dumadi saukara dene cangkrimane siji lan batangan kang sinama yang mung siji.

Tuladha :

·      Welut warna, kawula naming saderma. (ula)

·      Balung geni, mbok manawa watake manungsa. (mawa)

·      Nggayung sumur, sajake kok rada kemba. (timba)

·      Roning mlinjo, sampun sayah ayo ngaso. (so)

3.    Wangsalan rangkep

Wangsalan rangkep yaiku wangsalan kang dumadi saka rong ukara, dene cangkrimane ana loro utawa luwih, semono uga batangane kang disamarake uga ana loro utawa luwih.

Tuladha :

·         Ancur kaca, peksi langking mangsa sawa. (rasa, dhandhang)

·         Rasakena, yen lagi nandhang deduka.

·         Nata dewa, lumaraping diwangkara. (Bathara Endra, lingsir)

·         Tanpa nendra, yen ana siring nala.

·         Tiris mudha, wahana sabdeng pandhita, (cengkir, nyata)

·         Nora mukir, dhasar wus kepara nyata.

4.    Wangsalan edi peni

Wangsalan edipeni iku mung ngutamakake endahing basa, supaya menawane dirungokake katon ngresepake.

Tuladha :

·           Gambang kawat, wulu cumbu madukara. (siter, semar)

·           Kudu pinter, kawula ngisi mardika.

·           Bantal dawa, parabe narpati Karna. ( guling, Prabu Ngawangga )

·           Kudu eling, tindhak kang ora prayoga.

·           Gendhis seta, dhokter Jawa saupama. (gula pasir, dhukun)

·           Siring nala, amrih rukun mring sasama.

5.    Wangsalan memet

Wangsalan memet yaiku wangsalan kang carane ngonceki batangane sarana nggoleki maksude udha usuk (kaping pindho utawa luwih).

Tuladha :

·           Uler kambang, yen trima alon-alonan.

·           Uler kambang tegese lintah.

·           Wanda tah ing tembung lintah wancahan saka tembung satitahe kang ateges alon-alon.

6.    Wangsalan sinawung ing tembang

Pangkur

Jirak pindha munggwing wana,

Sayeng kaga werekta kang muroni,

Nyenyambi kalaning nganggur,

Wastra tumrap mustaka

Pangikete wangsalan kang sekar pangkur,

Baon sabin ing nawala,

Kinarya lengen prida